काठमाडौं । नेपाल राष्ट्र बैंकको अधिकार, नेतृत्वको कार्यकाल र निर्णय प्रक्रियामा सरकारको प्रभाव बढ्न सक्ने प्रावधानसहित राष्ट्र बैंक ऐन संशोधन विधेयक अघि बढाइएको छ। प्रतिनिधिसभाको अर्थ समितिबाट पारित प्रतिवेदनमा समेटिएका व्यवस्थाले केन्द्रीय बैंकको स्वायत्तता कमजोर पार्न सक्ने भन्दै सांसदहरूले नै असन्तुष्टि जनाएका छन्। समितिबाट स्वीकृत विधेयकमा राष्ट्र बैंकको उद्देश्यभित्र सरकारको आर्थिक नीति कार्यान्वयनमा सहयोग पुर्याउने विषयलाई छुट्टै बुँदाका रूपमा समावेश गरिएको छ। त्यस्तै, गभर्नर, डेपुटी गभर्नर तथा सञ्चालकहरूको कार्यकाल तीन वर्ष कायम गर्ने र कार्यसम्पादनका आधारमा सरकारले थप दुई वर्ष बढाउन सक्ने व्यवस्था प्रस्ताव गरिएको छ। अर्थ समितिको प्रतिवेदनअनुसार कानुन बनेमा राष्ट्र बैंकको नेतृत्वको कार्यकाल निर्धारणमा सरकारको भूमिका थप प्रभावशाली…
तितो सत्य
वीरगञ्ज । नेपाली कांग्रेसको आसन्न १५औँ महाधिवेशन नजिकिँदै गर्दा मधेश प्रदेशमा पार्टी नेतृत्वका लागि हुने निर्वाचनलाई लिएर राजनीतिक सरगर्मी बढेको छ। यससँगै मधेशको राजनीतिक अस्तित्व, स्वाभिमान र मतमाथि आर्थिक तथा राजनीतिक प्रभाव प्रयोग भइरहेको भन्दै कांग्रेसका केही महाधिवेशन प्रतिनिधिहरूले असन्तुष्टि व्यक्त गरेका छन्। निर्वाचन स्थलमा विनोद चौधरीले मधेश प्रदेशका सभापति तथा मुख्यमन्त्री कृष्णप्रसाद यादवलाई आफ्नो प्रभावमा पारेर मधेशका महाधिवेशन प्रतिनिधिहरूको मत अग्रिम रूपमा सुनिश्चित गरिसकेको भन्ने प्रचार भइरहेको प्रतिनिधिहरूको दाबी छ। यद्यपि, उक्त दाबीको स्वतन्त्र पुष्टि भने हुन सकेको छैन। मधेशको राजनीतिक नेतृत्व र निर्णय प्रक्रियामा बाह्य आर्थिक प्रभाव हावी हुँदै गएको भन्दै केही प्रतिनिधिहरूले यस्तो प्रवृत्तिले मधेशको स्वाभिमान र…
कांग्रेसका उम्मेदवारहरूको अन्तिम नामावली प्रकाशन (सूचीसहित) नेपाली कांग्रेसका उम्मेदवारहरूको अन्तिम नामावली प्रकाशन भएको छ।आज साँझ निर्वाचन समितिले उम्मेदवारहरूको अन्तिम सूची प्रकाशन गरेको हो। अन्तिम सूचीअनुसार सभापति पदमा गगनकुमार थापा र श्यामकृष्ण खड्गी भिड्ने पक्का भएको छ।
काठमाडौं, १९ असोज । सरकारले चाडपर्वलाई लक्षित गर्दै देशका ४२ जिल्लाका ६१ स्थानमा सुपथ मूल्य पसल सञ्चालन गरेको जनाएको छ। प्रधानमन्त्री तथा मन्त्रिपरिषद्को कार्यालयले वर्तमान सरकारको पहिलो ६ महिनाका उपलब्धि सार्वजनिक गर्दै सुपथ मूल्य पसल सञ्चालनको जानकारी दिएको हो। उपलब्धि विवरणमा आर्थिक सुधार, व्यापार, आपूर्ति तथा लगानी क्षेत्रमा भएका कामहरू समेटिएका छन्। सरकारका अनुसार लगानी बोर्डमार्फत एकद्वार स्वीकृति प्रणाली कार्यान्वयनमा ल्याइएको छ। खानीको खोज तथा उत्खननका लागि १०६ वटा नयाँ अनुमति जारी गरिएको पनि उपलब्धि विवरणमा उल्लेख छ। करदाता सेवा विस्तार गर्ने क्रममा १२० स्थानीय तह तथा कम्पनी रजिष्ट्रारको कार्यालयबाट स्थायी लेखा नम्बर (प्यान) सहितका सेवा उपलब्ध गराउन थालिएको सरकारले…
१९ असोज, काठमाडौं । पूर्वप्रधानमन्त्री झलनाथ खनालले नयाँ राजनीतिक अभियान अघि बढाउने घोषणा गरेका छन्। उनले सोमबार काठमाडौंमा आयोजित पत्रकार सम्मेलनमार्फत नेकपा पार्टीबाट अलग भएको जानकारी दिँदै ‘समाजवादी जागरण अभियान’ सुरु गर्ने घोषणा गरेका हुन्। खनालको नेतृत्वमा अघि बढाइएको अभियानको पहिलो भेलाले विभिन्न १५ वटा प्रस्तावसमेत पारित गरेको छ। पारित प्रस्तावमा विपद् जोखिमलाई मध्यनजर गर्दै राष्ट्रिय नीतिको पुनरावलोकन गर्नेदेखि कम्युनिस्ट आन्दोलनको वैचारिक पुनर्गठनसम्मका विषय समेटिएका छन्। अभियानले मुलुकको समसामयिक राजनीतिक तथा सामाजिक विषयसँगै समाजवादी आन्दोलनलाई नयाँ ढंगबाट अघि बढाउने विषयलाई प्राथमिकतामा राखेको जनाइएको छ।
बुटवल, १८ असोज । रुपन्देहीको तिलोत्तमाबाट १० वर्षीया बालिका अपहरण गरेको आरोपमा एक युवक पक्राउ परेका छन्। प्रहरीले तिलोत्तमा नगरपालिका–१७ दरखसवाका २७ वर्षीय युवराज थारुलाई शनिबार राति कान्छी बजार क्षेत्रको जंगलबाट नियन्त्रणमा लिएको हो। प्रहरीका अनुसार थारुलाई पक्राउ गर्ने क्रममा उनले प्रहरीमाथि प्रतिरोध तथा आक्रमणको प्रयास गरेपछि एक राउन्ड गोली चलाइएको थियो। गोली लागेर खुट्टामा चोट लागेका उनलाई उपचारका लागि लुम्बिनी प्रादेशिक अस्पताल लगिएको प्रहरीले जनाएको छ। प्रहरीका अनुसार बुधबार राति बालिका आफ्नै घरमा सुतिरहेको अवस्थामा बेपत्ता भएकी थिइन्। राति करिब २ बजेतिर हजुरआमाले बालिकालाई हेर्न खोज्दा घरमा नभेटिएपछि परिवारले उनको खोजी सुरु गरेको थियो। बालिका हराएको जानकारी पाएपछि प्रहरीले…
जनकपुरधाम । मधेस प्रदेशमा चालु आर्थिक वर्ष २०८३/८४ को सुरुवाती दुई महिनामा विपद्सँग सम्बन्धित ४५९ वटा घटना भएका छन्। साउन र भदौमा भएका ती घटनामा ९२ जनाले ज्यान गुमाएका छन् भने ५१० परिवार प्रभावित भएका छन्। मधेस प्रदेश प्रहरी कार्यालयका अनुसार मृत्यु हुनेमा ४७ पुरुष, १९ महिला र २६ बालबालिका छन्। विपद्का कारण मानवीय क्षतिसँगै घर, पशुचौपाया र अन्य भौतिक संरचनामा समेत क्षति पुगेको प्रहरीले जनाएको छ। प्रहरीको तथ्यांकअनुसार सबैभन्दा धेरै मानवीय क्षति करेन्ट लागेका घटनाबाट भएको छ। दुई महिनामा करेन्ट लागेर ३९ जनाको मृत्यु भएको प्रदेश प्रहरी कार्यालयका प्रवक्ता वरिष्ठ प्रहरी उपरीक्षक प्रभुप्रसाद ढकालले जानकारी दिए। त्यस्तै, पानीमा डुबेर…
काठमाडौं, १८ असोज । राष्ट्रिय स्वतन्त्र पार्टीका सभापति रवि लामिछानेले नेपाली कांग्रेसको राजनीतिक शक्ति उसको लामो इतिहास र लोकतान्त्रिक आन्दोलनमा गरेको योगदानमा रहेको बताएका छन्। कांग्रेसको १५औँ महाधिवेशन उद्घाटन समारोहमा बोल्दै लामिछानेले नेपालको राजनीतिक परिवर्तनमा कांग्रेसले खेलेको भूमिकाको सम्मान गर्नुपर्ने बताए। उनले कांग्रेसको इतिहासबाट उपलब्धि मात्र नभई विगतका कमजोरीबाट समेत नयाँ पुस्ताले सिक्नुपर्ने धारणा राखे। कार्यक्रममा आफू सत्तापक्षको प्रतिनिधिका रूपमा उपस्थित भए पनि मञ्चमा भने प्रतिपक्षीको भूमिकामा जस्तो देखिएको भन्दै लामिछानेले आफ्नो शैलीमा हल्का व्यंग्यसमेत गरे। उनले राजनीतिक दलको विगतलाई केवल गौरव गर्ने विषयका रूपमा सीमित नराखी भविष्यका लागि सिकाइका रूपमा प्रयोग गर्नुपर्ने बताए। नयाँ पुस्ताको अपेक्षा र राजनीतिक परिवर्तनको…
काठमाडौं, १८ असोज । नेपाली कांग्रेसका सभापति गगनकुमार थापाले नागरिकका प्रश्न, असहमति र विचारलाई सहज रूपमा व्यक्त गर्न सकिने वातावरण लोकतन्त्रको आधारभूत आवश्यकता भएको बताएका छन्। कांग्रेसको १५औँ महाधिवेशन उद्घाटन समारोहमा बोल्दै थापाले राजनीतिक दल र संसद्भित्र पर्याप्त संवादको वातावरण बन्न नसकेको अवस्थामा समाजमा खुला बहसका लागि थप सार्वजनिक थलो आवश्यक रहेको धारणा राखे। दश वर्षपछि खुलामञ्चमा कांग्रेसको महाधिवेशन आयोजना भएको उल्लेख गर्दै उनले खुलामञ्चलाई काठमाडौंको एउटा सार्वजनिक चौरका रूपमा मात्रै बुझ्न नहुने बताए। नेपाली राजनीतिक इतिहासमा यस स्थलले विभिन्न आन्दोलन र राजनीतिक गतिविधिमा महत्वपूर्ण भूमिका खेलेको उनको भनाइ थियो। थापाले विगतमा विभिन्न राजनीतिक दल र नेताहरूले खुलामञ्चलाई आफ्ना विचार…
रौतहट, १८ असोज । नेपाली कांग्रेसको रौतहट प्रतिनिधिसभा निर्वाचन क्षेत्र नम्बर १ को क्षेत्रीय नेतृत्व चयन भएको छ। क्षेत्रीय सभापतिमा श्रीराम राय यादव र उपसभापतिमा गजेन्द्र राय यादव निर्विरोध निर्वाचित भएका छन्। कांग्रेसको आधिकारिक विवरणअनुसार यादवद्वयले क्रमशः क्षेत्रीय सभापति र उपसभापतिको जिम्मेवारी पाएका हुन्। दुवै पदमा प्रतिस्पर्धी उम्मेदवार नदेखिएपछि उनीहरू सर्वसम्मत रूपमा चयन भएका हुन्। क्षेत्रीय नेतृत्वमा सहमतिका आधारमा पदाधिकारी चयन भएसँगै अब संगठन विस्तार र पार्टी गतिविधिलाई थप प्रभावकारी बनाउने अपेक्षा गरिएको छ। नवनिर्वाचित नेतृत्वले कार्यकर्ताबीच समन्वय र सहकार्य बढाउँदै संगठनलाई स्थानीय तहमा थप मजबुत बनाउने चुनौती पाएको छ। क्षेत्रीय नेतृत्वले पार्टी र आम नागरिकबीचको सम्बन्धलाई थप बलियो बनाउँदै…
