तितो सत्य

राष्ट्रिय एकता र आत्मनिर्भर नेपाल निर्माणमा जोड काठमाडौं, ३० असोज । पूर्वराजा ज्ञानेन्द्र वीर विक्रम शाहले विजयादशमीको शुभकामना दिँदै राष्ट्रिय एकता, सामाजिक सद्भाव र आत्मनिर्भर नेपाल निर्माणका लागि सबै पक्ष जिम्मेवार बन्नुपर्ने बताएका छन्। विजयादशमी २०८३ का अवसरमा जारी सन्देशमा उनले नेपाली समाजको मौलिक संस्कृति, सनातनी परम्परा र राष्ट्रिय पहिचानको संरक्षणमा जोड दिएका छन्। दसैँले देशवासीमा सुख, शान्ति र समृद्धि ल्याओस् भन्ने कामनासमेत उनले गरेका छन्। यस वर्ष विभिन्न स्थानमा बाढी, पहिरोलगायत प्राकृतिक विपत्तिबाट भएको जनधनको क्षतिप्रति ध्यानाकर्षण गराउँदै पूर्वराजा शाहले वातावरण संरक्षण र विपद् व्यवस्थापनलाई प्राथमिकता दिनुपर्ने धारणा व्यक्त गरेका छन्। सम्भावित विपद्बाट हुने क्षति कम गर्न पूर्वतयारी र…

काठमाडौं, २८ असोज। उद्योग, वाणिज्य तथा आपूर्तिमन्त्री दीपककुमार साह र नेपालका लागि चिनियाँ राजदूत चाङ माओमिङबीच द्विपक्षीय व्यापार, लगानी र औद्योगिक विकासका विषयमा छलफल भएको छ। बुधबार मन्त्रालयमा भएको भेटमा दुवै देशबीचको सम्बन्धलाई थप बलियो बनाउँदै आर्थिक साझेदारीका नयाँ अवसर खोज्ने विषयमा कुराकानी भएको मन्त्री साहको सचिवालयले जनाएको छ। छलफलमा नेपाली उत्पादनको अन्तर्राष्ट्रिय बजारमा पहुँच बढाउने, व्यापार प्रवर्द्धन गर्ने तथा उद्योग र पूर्वाधार क्षेत्रमा लगानीका सम्भावना पहिचान गर्ने विषय उठाइएको थियो। त्यसैगरी, दुई देशबीचको व्यापारिक सहकार्यलाई प्रभावकारी बनाउने र आपसी हितका क्षेत्रमा संयुक्त पहल अघि बढाउने सम्भावनाबारे पनि विचार आदानप्रदान भएको सचिवालयले जानकारी दिएको छ। भेटवार्तामा नेपाल र चीनबीचको आर्थिक…

काठमाडौं, २८ असोज। काठमाडौंको कलङ्कीमा भएको कुटपिटमा परी १८ वर्षीय रोशन पाख्रिनको मृत्यु भएको छ। घटनामा संलग्न रहेको आशंकामा प्रहरीले तीन जनालाई पक्राउ गरेको छ। जिल्ला प्रहरी परिसर काठमाडौंका अनुसार आज अपराह्न भएको विवादले कुटपिटको रूप लिएपछि सिन्धुलीको हरिहरपुरगढी गाउँपालिका–३ का रोशन गम्भीर घाइते भएका थिए। बेहोस अवस्थामा रहेका उनलाई उपचारका लागि कलङ्कीस्थित सहिद मेमोरियल अस्पताल लगिएको थियो। अस्पताल पुर्‍याएलगत्तै चिकित्सकले उनलाई मृत घोषणा गरेका प्रहरीले जनाएको छ। घटनामा पक्राउ परेका तीन जनामध्ये दुई जनाको परिचय प्रहरीले सार्वजनिक गरेको छैन। घटनाको कारण र अन्य विवरणबारे प्रहरीले थप अनुसन्धान गरिरहेको छ।

रौतहट, २८ असोज। चन्द्रपुर नगरपालिका–८ मोतीपुरमा स्कुलबसको ठक्करबाट दुई वर्षीया बालिकाको ज्यान गएको छ। घरअगाडि सडक छेउमा खेलिरहेकी महिमा चौधरीको दुर्घटनामा मृत्यु भएको प्रहरीले जनाएको छ। प्रहरीका अनुसार आज बिहान करिब १०ः५५ बजे सिन्धुरेघारीबाट चपुरतर्फ जाँदै गरेको मुन लाइट एकेडेमीको बसले बालिकालाई ठक्कर दिएको थियो। ठक्करबाट टाउकोको पछाडिको भागमा गम्भीर चोट लागेपछि उनको घटनास्थलमै मृत्यु भएको इलाका प्रहरी कार्यालय चन्द्रनिगाहपुरका डीएसपी सत्यनारायण थापाले जानकारी दिए। घटनापछि प्रहरीले आवश्यक कानुनी प्रक्रिया पूरा गरी बालिकाको शव परीक्षणका लागि चन्द्रपुर सरकारी अस्पताल पठाएको छ। जिल्ला प्रहरी कार्यालय रौतहटका सूचना अधिकारी डीएसपी वसन्त गौतमका अनुसार बस र चालक चन्द्रपुर नगरपालिका–४ निवासी ४५ वर्षीय कान्छा…

काठमाडौं। वन तथा भूमि क्षेत्रका विद्यमान कानुनी प्रावधान संशोधन गर्ने उद्देश्यसहित सरकारले अघि बढाएका दुई अध्यादेश जारी भएका छन्। राष्ट्रपति रामचन्द्र पौडेलले मन्त्रिपरिषद्को सिफारिसमा मंगलबार दुवै अध्यादेश जारी गरेका हुन्। जारी अध्यादेशमा ‘वन सम्बन्धी केही नेपाल ऐनलाई संशोधन गर्ने अध्यादेश, २०८३’ र ‘भूमि सम्बन्धी केही नेपाल ऐन संशोधन गर्ने अध्यादेश, २०८३’ रहेका छन्। मन्त्रिपरिषद्बाट सिफारिस गरिएका यी अध्यादेश राष्ट्रपतिबाट जारी भएसँगै सम्बन्धित कानुन संशोधनको प्रक्रिया अघि बढेको छ।

वीरगञ्ज, २७ असोज। पर्सा प्रहरीले वीरगञ्जमा भारतबाट भन्सार प्रक्रिया पूरा नगरी ल्याइएका कपडा तथा खाद्यान्नसहितका सामान बरामद गरेको छ। प्रहरीले बरामद सामग्रीको मूल्य २० लाख ९० हजार ४१० रुपैयाँ रहेको जनाएको छ। जिल्ला प्रहरी कार्यालय पर्साका अनुसार असोज २६ गते साँझ वीरगञ्ज महानगरपालिका–१६ स्थित रजतजयन्ती चोकमा गरिएको कारबाहीका क्रममा ती सामग्री फेला परेका हुन्। बरामद सामानमा सर्टिङ–सुटिङका कपडा, महिला तथा बालबालिकाका पहिरन र खाद्यान्नलगायतका वस्तु छन्। प्रहरीले नियन्त्रणमा लिएका सामग्रीलाई थप प्रक्रिया अघि बढाउन असोज २७ गते वीरगञ्ज भन्सार कार्यालयमा बुझाएको छ।

नक्कली मन्त्रिपरिषद् निर्णय बनाएर विश्वासमा पार्ने गरेको खुलासा काठमाडौं, २७ असोज। नेपाली नागरिकलाई नक्कली भुटानी शरणार्थी बनाएर अमेरिका पठाउने प्रकरणमा अपनाइएको शैलीसँग मिल्दोजुल्दो तरिकाले इजरायलमा केयर गिभरको काम दिलाउने भन्दै ठगी गरिएको खुलेको छ। नेपाल प्रहरीको केन्द्रीय अनुसन्धान ब्युरो (सीआईबी) ले गरेको अनुसन्धानमा सरकारी निर्णयको नक्कली कागजात देखाएर रकम असुल्ने गरेको तथ्य बाहिर आएको हो। प्रहरीका अनुसार इजरायल पठाइदिने आश्वासन दिँदै मन्त्रिपरिषद्को निर्णयजस्तो देखिने नक्कली कागजात तयार पारेर पीडितलाई विश्वास दिलाइएको थियो। यस प्रकरणमा पक्राउ परेका शिवराम श्रेष्ठ र ज्ञानबहादुर कार्कीले त्यस्ता कागजात बनाएको आरोपमा अनुसन्धानको सामना गरिरहेका छन्। प्रहरीसमक्ष दिएको बयानमा उनीहरूले एक व्यक्तिको आग्रहमा सरकारी निर्णयजस्तो देखिने कागजात…

आरोपित जंगलबाट पक्राउ सुर्खेत, २७ असोज। मुगुको छायाँनाथ रारा नगरपालिकामा धारिलो हतियार खुँडा प्रहारबाट एक वृद्धको मृत्यु भएको छ। घटनामा संलग्न रहेको आरोपमा प्रहरीले ३२ वर्षीय अजवीर कामीलाई पक्राउ गरेको छ। जिल्ला प्रहरी कार्यालय मुगुका अनुसार छायाँनाथ रारा नगरपालिका–५ कार्कीवाडाका अजवीरले सोही ठाउँका ७५ वर्षीय धनवीर कामीमाथि खुँडा प्रहार गरेका थिए। सोमबार बिहान भएको घटनामा गम्भीर घाइते भएका धनवीरलाई उपचारका लागि जिल्ला अस्पताल मुगु लगिएको थियो। उपचारकै क्रममा चिकित्सकले उनलाई मृत घोषणा गरेका थिए। घटनापछि फरार भएका अजवीरको खोजीका लागि प्रहरीले ३५ जनाको टोली परिचालन गरेको थियो। खोजीका क्रममा उनलाई छायाँनाथ रारा नगरपालिका–३ स्थित रारा ताल जाने जंगलबाट नियन्त्रणमा लिइएको…

सरकारले संशोधन गर्‍यो वन र भूमि ऐन काठमाडौं। लामो समयदेखि समाधान हुन नसकेको भूमिहीन, सुकुमबासी तथा अव्यवस्थित बसोबासीको समस्या सम्बोधन गर्न सरकारले कानुनी व्यवस्था संशोधन गरेको छ। जग्गाको अभिलेख मिलाउनेदेखि स्वामित्व हस्तान्तरणसम्मका प्रक्रिया सहज बनाउने उद्देश्यले सरकारले दुईवटा अध्यादेश जारी गरेको हो। मन्त्रिपरिषद्को सिफारिसमा राष्ट्रपति रामचन्द्र पौडेलले मंगलबार ‘वन सम्बन्धी केही नेपाल ऐनलाई संशोधन गर्ने अध्यादेश, २०८३’ र ‘भूमि सम्बन्धी केही नेपाल ऐन संशोधन गर्ने अध्यादेश, २०८३’ जारी गरेका छन्। यसअघि लामो समयदेखि बसोबास तथा खेतीपाती गर्दै आएका कतिपय परिवारको जग्गा सरकारी अभिलेखमा वन, गौचरण वा सार्वजनिक प्रयोजनका रूपमा उल्लेख हुँदा स्वामित्व हस्तान्तरणमा समस्या देखिँदै आएको थियो। भूमि आयोगबाट योग्य…

अनुसन्धानका लागि प्रहरीको जिम्मा काठमाडौं, २७ असोज। त्रिभुवन अन्तर्राष्ट्रिय विमानस्थल अध्यागमन कार्यालयले अनियमिततामा संलग्न रहेको आशंकामा हिमालय एयरलाइन्सका कर्मचारी हंसराज जैशीमाथि अनुसन्धान गर्न विमानस्थल सुरक्षा कार्यालयलाई जिम्मा दिएको छ। अध्यागमन कार्यालयका अनुसार गत सोमबार, २६ असोजमा वैदेशिक रोजगारीका लागि विदेश जान लागेका एक यात्रुको श्रम स्वीकृतिको म्याद सकिएको भेटिएको थियो। त्यसपछि श्रम स्वीकृति पुनः लिनुपर्ने भन्दै ती यात्रुसँग रकम लिएको आशंका गरिएको छ। कार्यालयको प्रारम्भिक छानबिनमा जैशीको मोबाइल नम्बरमा रहेको ईसेवा खाताबाट १४ हजार रुपैयाँको कारोबार भएको विवरण फेला परेको जनाइएको छ। त्यसैगरी, विमानस्थलमा जडान गरिएका सीसीटीभी क्यामेराको दृश्यमा यात्रुलाई सहयोग गर्ने नाममा शंकास्पद गतिविधि भएको देखिएको अध्यागमन कार्यालयले जनाएको…