तितो सत्य

काठमाडौं । नागरिक उन्मुक्ति पार्टी, नेपालका संस्थापक एवं संरक्षक रेशमलाल चौधरीले नयाँ पुस्ताका नेताहरूबाट पनि देशमा अपेक्षित परिवर्तन ल्याउने स्पष्ट संकेत देखिन नसकेको बताएका छन्। नेपाली कांग्रेसको १५औँ महाधिवेशनअन्तर्गत आयोजित उद्घाटन सत्रलाई सम्बोधन गर्दै चौधरीले नेतृत्वको पुस्ता फेरिए पनि देश निर्माणको सवालमा पर्याप्त आशा जगाउन नसकेको धारणा राखे। उनले विगतमा कपाल फुलेका नेताहरूलाई देश बिगारेको आरोप लाग्ने गरेको स्मरण गर्दै अहिले नयाँ पुस्ताका नेताहरूले पनि जनअपेक्षाअनुसार काम गरेर देखाउनुपर्ने बताए। चौधरीले कांग्रेस नेता गगन थापालाई सम्बोधन गर्दै आफूले उनीप्रति विश्वास राखेको उल्लेख गरे। उमेर र अनुभव दुवै हासिल गर्दै गएको थापा नेतृत्वको पुस्ताले देश निर्माणमा सकारात्मक भूमिका खेल्ने आफ्नो अपेक्षा…

रौतहटदेखि काठमाडौं हुँदै अन्तर्राष्ट्रिय स्तरसम्म आफ्नो पहिचान स्थापित गरेका झा भ्रष्टाचारविरुद्धको अभियान र जेनजी आन्दोलनका एक जुझारु अभियन्ता रौतहट । लामो समयदेखि भ्रष्टाचार, अनियमितता र बेथितिविरुद्ध निरन्तर आवाज उठाउँदै आएका रौतहटका निडर, निर्भीक तथा जुझारु सामाजिक अभियन्ता संजिव झा नेपाली कांग्रेसको आगामी १५औँ महाधिवेशनका लागि सर्वसम्मत रूपमा निर्विरोध महाधिवेशन प्रतिनिधिमा चयन हुनुभएको छ। भ्रष्टाचारविरुद्धको अभियानमा लामो समयदेखि सक्रिय रहँदै आउनुभएका झा रौतहटदेखि काठमाडौं हुँदै अन्तर्राष्ट्रिय स्तरसम्म आफ्नो पहिचान स्थापित गर्न सफल व्यक्तित्वका रूपमा परिचित हुनुहुन्छ। सामाजिक न्याय, सुशासन, पारदर्शिता र भ्रष्टाचारमुक्त समाज निर्माणको पक्षमा निरन्तर आवाज उठाउँदै आउनुभएका झा आफ्नो निडर स्वभाव, क्रान्तिकारी सोच र अन्यायविरुद्ध निर्भीक रूपमा उभिने साहसका…

नयाँ पुस्ताको अपेक्षा सम्बोधन गर्न पार्टीले आफ्नो कार्यशैली र नीतिमा सुधार ल्याउनुपर्नेमा जोड काठमाडौं, १८ असोज । नेपाली कांग्रेसकी उपसभापति पुष्पा भुसालले पार्टीको १५औँ महाधिवेशनलाई नेतृत्व चयन वा पद बाँडफाँटमा सीमित नगरी कांग्रेसको समग्र सुधार र पुनर्जागरणको आधार बनाउनुपर्ने बताएकी छन्। काठमाडौंको खुलामञ्चमा आइतबार सुरु भएको महाधिवेशनको उद्घाटन कार्यक्रममा बोल्दै भुसालले पछिल्लो समय नागरिकमा कांग्रेसप्रति देखिएको निराशा हटाउन पार्टीले गम्भीर आत्मसमीक्षा गर्नुपर्ने धारणा राखिन्। उनका अनुसार बदलिँदो राजनीतिक परिवेश र नयाँ पुस्ताको अपेक्षाअनुसार कांग्रेसले आफ्नो नीति, संगठन र कार्यशैलीमा आवश्यक परिवर्तन गर्नुपर्ने समय आएको छ। कांग्रेसको ऐतिहासिक भूमिकालाई नयाँ दिशासँग जोड्नुपर्ने कांग्रेसले लामो समयदेखि लोकतान्त्रिक आन्दोलनमा महत्वपूर्ण भूमिका निर्वाह गर्दै…

सुशासन, युवा, रोजगारी र आर्थिक रूपान्तरणलाई प्राथमिकता; पार्टीभित्रै पारदर्शिता बढाउने योजना सुशासन, युवा, रोजगारी र आर्थिक रूपान्तरणलाई प्राथमिकता; पार्टीभित्रै पारदर्शिता बढाउने योजना काठमाडौं, १८ असोज । नेपाली कांग्रेसका सभापति गगन थापाले पार्टीको १५औँ महाधिवेशनका लागि तयार पारेको राजनीतिक प्रतिवेदनमा कांग्रेसलाई नयाँ राजनीतिक संस्कारसहित अघि बढाउने प्रस्ताव गरेका छन्। प्रतिवेदनमा कांग्रेसको विगतको राजनीतिक अभ्यासको समीक्षा गर्दै पार्टी र नागरिकबीच बढेको दूरी घटाउन आवश्यक रहेको उल्लेख छ। सत्ता, पद र गुटगत प्रभावमा केन्द्रित राजनीतिक संस्कारले कांग्रेसलाई जनताबाट टाढा पुर्‍याएको निष्कर्षसहित अब नीति, काम र जवाफदेहितालाई केन्द्रमा राखेर पार्टी सञ्चालन गर्नुपर्ने प्रस्ताव गरिएको छ। आन्दोलनलाई चेतावनीका रूपमा लिनुपर्ने भदौ २३ र २४ गते भएका आन्दोलन तथा त्यसपछिका घटनालाई केवल राजनीतिक षड्यन्त्रका रूपमा बुझ्न नहुने प्रतिवेदनको धारणा छ। आन्दोलनमा उठाइएका सुशासन, न्याय, समानता र अवसरका मागलाई राजनीतिक दलहरूले गम्भीर रूपमा लिनुपर्ने उल्लेख गरिएको छ। आन्दोलनका क्रममा भएका हिंसा, राज्यको बल प्रयोग र क्षतिबारे निष्पक्ष अनुसन्धान गरी दोषीमाथि कारबाही…

‘हुंकार मधेश’ अभियानमार्फत राजनीतिक यात्रा अघि बढाउने घोषणा काठमाडौं, १८ असोज । जनता समाजवादी पार्टी (जसपा) नेपालका चार नेताले पार्टी परित्याग गरेका छन्। उनीहरूले पार्टीको साधारण सदस्यसमेत नरहने गरी आफ्ना सम्पूर्ण जिम्मेवारीबाट राजीनामा दिएको बताएका छन्। पार्टी छाड्नेमा पूर्वसांसद इन्दु कुमारी शर्मा, केन्द्रीय सल्लाहकार सदस्य मो. युसुफ साफी, केन्द्रीय निर्वाचन आयोग तथा कानुन विभागका सदस्य घणश्याम शर्मा र पुष्पराज चमन रहेका छन्। चारै नेताले संयुक्त विज्ञप्तिमार्फत जसपा नेपालबाट अलग भएको जानकारी दिएका हुन्। उनीहरूले अब ‘हुंकार मधेश’ अभियानमार्फत आफ्नो राजनीतिक गतिविधिलाई निरन्तरता दिने घोषणा गरेका छन्। यसअघि राजेन्द्र महतो नेतृत्वको राष्ट्रिय मुक्ति पार्टीका महासचिव केशव झासहित नौ जना केन्द्रीय नेताले…

जनमत पार्टीको अध्यक्षमा पुनः सीके राउत काठमाडौं । जनमत पार्टीको अध्यक्षमा डा. सीके राउत पुनः निर्वाचित भएका छन्। वीरगञ्जमा सम्पन्न पार्टीको महाधिवेशनअन्तर्गत भएको निर्वाचनमा राउतले ९५८ मत प्राप्त गर्दै अध्यक्ष पदमा निरन्तरता पाएका हुन्। महाधिवेशनमा २६ पदाधिकारीसहित ९९ पदका लागि निर्वाचन भएको थियो। अध्यक्ष पदमा राउतको मात्रै उम्मेदवारी परेको भए पनि पार्टीको विधानमा उम्मेदवारले कुल सदर मतको कम्तीमा २० प्रतिशत प्राप्त गर्नुपर्ने व्यवस्था रहेकाले अध्यक्ष पदमा पनि मतदान गरिएको थियो। उपाध्यक्ष पदमा अनिताकुमारी मण्डल, अनितादेवी साह, नरेन्द्रप्रसाद चौधरी, बसन्तकुमार कुशवाहा, डा. जयकान्त राउत, राजयकुमार यादव र माधवप्रसाद सिंह निर्वाचित भएका छन्। उपाध्यक्षका लागि ११ जनाबीच प्रतिस्पर्धा भएको थियो। यसैगरी, महासचिव…

धनगढी — कैलालीको भजनीमा अवैध सामान नियन्त्रणमा लिन खोज्दा ड्युटीमा खटिएका दुई प्रहरीमाथि कुटपिट गरेको आरोपमा तीन जना पक्राउ परेका छन्। भजनी नगरपालिका–३ ठेकीपुरचोकमा भारतबाट मोटरसाइकलमा ल्याइँदै गरेको अवैध सामान नियन्त्रणमा लिन खोज्ने क्रममा प्रहरी र उनीहरूबीच विवाद भएको थियो। सोही क्रममा प्रहरीमाथि कुटपिट भएको जिल्ला प्रहरी कार्यालय कैलालीले जनाएको छ। पक्राउ पर्नेमा भजनी नगरपालिका–३ पडरियाका लोकबहादुर साउँद, धन्या साउँद र गम्भीर साउँद छन्। जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) योगेन्द्र तिमिल्सिनाका अनुसार उनीहरूले इलाका प्रहरी कार्यालय भजनीमा कार्यरत प्रहरी हवल्दार विनयप्रसाद चौधरी र प्रहरी जवान देवराज जोशीमाथि कुटपिट गरेका थिए। कुटपिटबाट घाइते भएका दुवै प्रहरीको भजनी…

वीरगंज, असोज । वीरगंजका व्यवसायी शंकर मित्तलमाथि दोहोरो नागरिकता, ब्रान्ड नक्कल तथा अवैध व्यापारमा संलग्न रहेको आरोप लागेको छ। जिल्ला प्रशासन कार्यालय बारामा उनको नागरिकतासम्बन्धी विषयमा छानबिन भइरहेको स्रोतले दाबी गरेको छ। भारतीय नागरिक रहेको र झुटा तथा किर्ते विवरण पेस गरी नेपाली नागरिकता लिएको आरोप मित्तलमाथि लागेको हो। उनको दोहोरो नागरिकतासम्बन्धी मुद्दा जिल्ला प्रशासन कार्यालय बारामा विचाराधीन रहेको स्रोतको दाबी छ। यद्यपि, यस विषयमा सम्बन्धित निकायबाट अन्तिम निर्णय सार्वजनिक भएको पुष्टि हुन सकेको छैन। मित्तलविरुद्ध पछिल्लो समय ‘हेलो सरकार’मा समेत उजुरी परेको स्रोतले जनाएको छ। उजुरीपछि जिल्ला प्रशासन कार्यालय बारालाई नागरिकतासम्बन्धी विषयमा अनुसन्धान प्रक्रिया र त्यसमा भएको ढिलाइबारे जानकारी…

वीरगञ्ज । वीरगञ्जस्थित आन्तरिक राजस्व कार्यालयका केही कर्मचारीमाथि घुस तथा राजस्वसम्बन्धी अनियमितताको आरोप लगाउँदै अख्तियार दुरुपयोग अनुसन्धान आयोगमा दर्ता गरिएको उजुरी सार्वजनिक भएको लामो समय बितिसक्दा पनि त्यसउपरको अनुसन्धान र कारबाहीको अवस्थाबारे स्पष्ट जानकारी सार्वजनिक नभएको भन्दै प्रश्न उठ्न थालेको छ। अख्तियार दुरुपयोग अनुसन्धान आयोग, टंगालमा दर्ता गरिएको भनिएको उक्त उजुरीमा आन्तरिक राजस्व कार्यालय वीरगञ्जमा कार्यरत प्रमुख कर अधिकृत टिकाराज चौलागाईं, कर अधिकृत कमल मैनाली तथा मुक्ति कुमार सिंहलगायतका कर्मचारीमाथि विभिन्न शीर्षकमा घुस लिएको तथा राजस्वसम्बन्धी अनियमितता गरेको आरोप लगाइएको छ। उजुरीमा विशेषगरी वीरगञ्जमा सञ्चालित POPS FOOD PRODUCTS BIRGUNJ लगायतका व्यवसायसँग सम्बन्धित कर तथा राजस्वका विषयमा अनियमितता भएको दाबी गरिएको…

२०६४ सालको गढीमाई गोलीकाण्ड पुनः अनुसन्धानको दायरामा, नागेन्द्र बैठा र प्रमानन्द सहनीको हत्यामा सुरेन्द्रप्रसाद यादवको संलग्नता देखिएको प्रहरीको भनाइ रौतहट । करिब १९ वर्षअघि रौतहटको गढीमाई क्षेत्रमा दुई युवाको गोली हानी हत्या गरिएको घटनाको अनुसन्धानले नयाँ मोड लिएको छ। अपहरण, शरीर बन्धक तथा सङ्गठित अपराधसम्बन्धी मुद्दामा दोषी ठहर भई हाल जिल्ला कारागार रौतहटमा कैद सजाय भोगिरहेका ‘बारुद सिंह’ भनिने सुरेन्द्रप्रसाद यादव उक्त पुरानो हत्याकाण्डमा मुख्य अभियुक्तका रूपमा देखिएको प्रहरीले जनाएको छ। प्रहरीका अनुसार गढीमाई नगरपालिका–६, पिपरिया दोसतिया क्षेत्रमा २०६४ साल वैशाख ३१ गते राति भएको गोलीकाण्डमा स्थानीय दुई युवाको हत्या भएको थियो। घटनामा गरुडा नगरपालिका–७ का ३२ वर्षीय नागेन्द्र बैठा…