तितो सत्य

काठमाडौं । नेपाली कांग्रेसभित्र समानान्तर संगठनात्मक गतिविधि अघि बढाइरहेको शेरबहादुर देउवा पक्षले उनको गृहजिल्ला डडेल्धुरामा १५औँ महाधिवेशनअन्तर्गत जिल्ला अधिवेशन आयोजना गरेको छ। शनिबार हुने क्षेत्रीय तथा आठौँ जिल्ला अधिवेशनबाट जिल्लाको नयाँ नेतृत्व चयन गर्नुका साथै पार्टीको महाधिवेशनमा सहभागी हुने प्रतिनिधिहरू पनि छनोट गरिनेछ। कांग्रेस डडेल्धुराका तत्कालीन सभापति भीमबहादुर साउद विशेष महाधिवेशनबाट निर्वाचित केन्द्रीय कार्यसमितिले अघि बढाएको अधिवेशन प्रक्रियामा सहभागी भएपछि देउवा पक्षले जिल्ला अधिवेशनको समन्वयका लागि उपसभापति डिल्लीराज जोशीलाई जिम्मेवारी दिएको थियो। अधिवेशनबाट जोशी जिल्ला सभापतिमा चयन हुन सक्ने सम्भावना रहेको स्रोतले जनाएको छ। यद्यपि, नयाँ नेतृत्वको अन्तिम टुंगो अधिवेशनबाटै लाग्नेछ। अधिवेशनको सुरुवातअघि देउवा पक्षले डडेल्धुरा बसपार्कबाट निर्माण व्यवसायी संघको…

सर्लाही । कुलेखानी जलाशयमा पानीको सतह निरन्तर बढ्न थालेपछि जिल्ला प्रशासन कार्यालय सर्लाहीले बागमती नदी आसपासका बासिन्दालाई उच्च सतर्कता अपनाउन आग्रह गरेको छ। शनिबार दिउँसो सूचना जारी गर्दै प्रशासनले जलाशयमा पानीको मात्रा बढ्दै गएकाले बाँधका ढोका खोल्नुपर्ने अवस्था आउन सक्ने जनाएको छ। यस्तो अवस्थामा बागमती नदी र सिस्नेरी खोलामा पानीको बहाव अचानक बढ्न सक्ने भएकाले नदी तटीय क्षेत्रमा बसोबास गर्ने नागरिकलाई सुरक्षित रहन अनुरोध गरिएको हो। नेपाल विद्युत् प्राधिकरणका अनुसार शनिबार दिउँसो १२ बजे कुलेखानी जलाशयको जलसतह १ हजार ५२८.१५ मिटर पुगेको थियो। जलसतह १ हजार ५२८.५० मिटर पुगेपछि पूर्वसावधानीका लागि साइरन बजाउने र एसएमएसमार्फत सूचना पठाउने व्यवस्था गरिएको छ।…

बारा । बाराको फेटा गाउँपालिकामा नवनिर्मित अस्पताल उद्घाटन गर्ने विषयलाई लिएर राष्ट्रिय स्वतन्त्र पार्टी (रास्वपा) र नेकपा एमालेका कार्यकर्ताबीच भएको विवादले शनिबार हिंसात्मक रूप लिएको छ। झडपका क्रममा अस्पताल परिसरमा तोडफोड हुनुका साथै १० वटा मोटरसाइकलमा आगजनी गरिएको छ। प्रहरीले चलाएको गोली लागेर एक किशोर घाइते भएका छन् भने ढुंगामुढाबाट पाँच प्रहरी घाइते भएका छन्। प्रहरीका अनुसार फेटा गाउँपालिका–३ निवासी १५ वर्षीय आदित्य पासवानको तिघ्रामा गोली लागेको छ। घाइते पासवानको वीरगञ्जस्थित नेशनल मेडिकल कलेजमा उपचार भइरहेको मधेश प्रदेश प्रहरी कार्यालयका प्रवक्ता प्रहरी वरिष्ठ उपरीक्षक (एसएसपी) प्रभु प्रसाद ढकालले जानकारी दिएका छन्। के थियो विवादको कारण ? फेटा गाउँपालिकामा निर्माण सम्पन्न…

सल्यान । सल्यानका दुई छुट्टाछुट्टै स्थानमा शुक्रबार राति भएका सवारी दुर्घटनामा तीन जनाको मृत्यु भएको छ भने १९ जना घाइते भएका छन् । सिद्ध कुमाखमा तीन जनाको मृत्यु सिद्ध कुमाख गाउँपालिका–२ रातामाटेमा श्रीनगरबाट टाकुरतर्फ जाँदै गरेको लु.१ ज २३६८ नम्बरको जिप सडकबाट करिब १५० मिटर तल खोलामा खस्दा तीन जनाको मृत्यु भएको हो । दुर्घटनामा घाइते भएका कृष्णी बस्नेत (४२), सीता विक (४५) र साउने रोका (४३) को उपचारका क्रममा मृत्यु भएको प्रहरीले जनाएको छ । उक्त दुर्घटनामा अन्य सात जना घाइते भएका थिए । घाइतेमध्ये केहीको अवस्था गम्भीर रहेको र थप उपचारका लागि दाङ तथा नेपालगन्ज पठाइएको छ ।…

चालकको मृत्यु मकवानपुर । डिजेल बोकेको ट्याङ्कर दुर्घटना हुँदा मकवानपुरमा चालकको मृत्यु भएको छ । शुक्रबार साँझ करिब ७ः३० बजे बकैया गाउँपालिका–५ स्थित तिनतल्ले फास्ट ट्र्याक नजिक मदन भण्डारी लोकमार्गमा ट्याङ्कर दुर्घटनामा परेको हो । हेटौंडाबाट हात्तीसुँडेतर्फ जाँदै गरेको ना.६ ख २९४९ नम्बरको डिजेल लोड ट्याङ्कर सडकको बायाँ किनारमा पल्टिएको थियो । दुर्घटनापछि चालक ट्याङ्करभित्रै च्यापिएका थिए । घटनाको सूचना पाएलगत्तै प्रहरी चौकी गरगरेबाट टोली घटनास्थल पुगेको थियो । उद्धारका लागि जिल्ला प्रहरी कार्यालय मकवानपुरसहित इलाका प्रहरी कार्यालय पशुपतिनगर र फापरबारीबाट समेत प्रहरी परिचालन गरिएको थियो । प्रहरीका अनुसार राति करिब १० बजे ट्याङ्करभित्र फसेका चालकलाई बाहिर निकाल्दा उनको मृत्यु…

डोल्पा । डोल्पा जिल्ला कारागारबाट ८ जना कैदी तथा थुनुवा फरार भएका छन् । कारागारभित्र सुरुङ खनेर उनीहरू फरार भएको प्रारम्भिक विवरण सार्वजनिक भएको छ । शनिबार बिहान कैदीबन्दीको नियमित गणना गर्ने क्रममा ८ जना अनुपस्थित भेटिएपछि घटना बाहिर आएको हो । प्रमुख जिल्ला अधिकारी जुनु हमाल ढकालका अनुसार बिहान करिब ६ बजे गणना गर्दा उनीहरू कारागारमा नभेटिएपछि फरार भएको पुष्टि भएको हो । प्रहरीका अनुसार कैदीबन्दी राखिएको भवनको भुइँतर्फबाट करिब ९ देखि १० फिट लामो सुरुङ खनेर उनीहरू बाहिरिएको प्रारम्भिक जानकारी प्राप्त भएको छ । घटनाबारे थप विवरण संकलन गर्न कारागारको सीसीटीभी फुटेज परीक्षण भइरहेको छ । फरार कैदी…

काठमाडौं । चक्रवात ‘अर्णव’को अवशेषस्वरूप विकसित न्यून चापीय क्षेत्रको प्रभावले देशका विभिन्न भागमा भइरहेको वर्षा तथा हिमपात दिउँसोपछि क्रमशः घट्ने र मौसममा सुधार आउने पूर्वानुमान गरिएको छ । जल तथा मौसम पूर्वानुमान महाशाखाका अनुसार न्यून चापीय क्षेत्र हाल पश्चिम नेपाल आसपास केन्द्रित रहेकाले देशका विभिन्न प्रदेशमा वर्षा र हिमपात भइरहेको छ । महाशाखाका अनुसार बागमती, गण्डकी, लुम्बिनी र कर्णाली प्रदेशका अधिकांश स्थानमा तथा कोशी र सुदूरपश्चिम प्रदेशका केही क्षेत्रमा मध्यम वर्षासँगै हिमपात भइरहेको छ । त्यस्तै, मधेस प्रदेशका केही स्थानमा हल्का वर्षा भइरहेको छ । मौसममा आएको यो परिवर्तन न्यून चापीय क्षेत्रको प्रभावसँग सम्बन्धित रहेको जनाइएको छ । यद्यपि, अपराह्नपछि…

२०८३कात्तिक १४,शनिबार (३१ अक्टोबर २०२६) मेष (चु, चे, चो, ला, लि, लु, ले, लो, अ) आजको दिन तपाईंका लागि उत्साह र नयाँ सम्भावनाले भरिएको रहनेछ। रोकिएका काम अघि बढ्ने संकेत देखिन्छ। आर्थिक क्षेत्रमा सोचविचार गरेर निर्णय लिनुहोला। पारिवारिक सम्बन्धमा मधुरता कायम रहनेछ। स्वास्थ्यमा सामान्य सावधानी अपनाउनु राम्रो हुनेछ। वृष (इ, उ, ए, ओ, वा, वि, वु, वे, वो) आज तपाईंले गरेका प्रयासले सकारात्मक परिणाम दिन सक्छन्। व्यापार तथा व्यवसायमा नयाँ अवसर प्राप्त हुने सम्भावना छ। अनावश्यक खर्चबाट बच्नुहोला। प्रेम सम्बन्धमा विश्वास र समझदारी बढ्नेछ। परिवारका सदस्यको सहयोगले मन प्रसन्न रहनेछ। मिथुन (का, कि, कु, घ, ङ, छ, के, को, ह)…

काठमाडौँ, १३ कात्तिक। दुग्ध विकास संस्थान (डीडीसी) मा भएको भनिएको आर्थिक अनियमितता प्रकरणमा नेपाल प्रहरीको केन्द्रीय अनुसन्धान ब्युरो (सीआईबी) ले पूर्वमहाप्रबन्धक सञ्जीव झासहित आठ जनालाई पक्राउ गरेको छ। संस्थानमा आर्थिक हिनामिना गरी गैरकानुनी लाभ लिएको आरोपमा सीआईबीले उनीहरूलाई काठमाडौँका विभिन्न स्थानबाट नियन्त्रणमा लिएको हो। प्रहरीका अनुसार डीडीसीका तत्कालीन महाप्रबन्धकदेखि प्रशासनिक तहका अधिकारी, चिस्यान केन्द्रका प्रमुख तथा अन्य कर्मचारीबीच मिलेमतो भएको प्रारम्भिक अनुसन्धानबाट खुलेको छ। योजनाबद्ध रूपमा आपसी सहकार्य गरी संस्थानलाई आर्थिक क्षति पुर्‍याइएको भन्ने उजुरीपछि प्रहरीले अनुसन्धान अघि बढाएको थियो। अनुसन्धानका क्रममा संस्थानलाई नोक्सानी पुर्‍याएर १२ करोड १३ लाख ४३ हजार ५३० रुपैयाँ बराबरको गैरकानुनी आर्थिक लाभ लिएको प्रारम्भिक निष्कर्ष…

जनकपुरधाम, १३ कात्तिक । मधेस प्रदेशमा नयाँ सरकार गठन गर्ने विषयमा नेकपा (एमाले), जनता समाजवादी पार्टी (जसपा) नेपाल र जनमत पार्टीका नेताहरूबीच छलफल सुरु भएको छ। नेपाली कांग्रेस संसदीय दलका नेता कृष्णप्रसाद यादव नेतृत्वको सरकारलाई एमालेले गत असोज २५ गते दिएको समर्थन फिर्ता लिएपछि तीन दलबीच नयाँ सरकार गठनबारे संवाद अघि बढेको हो। जनमत पार्टीका नेता तथा प्रदेशसभा सदस्य महेशप्रसाद यादवले तीन दलबीच सरकार गठनका विषयमा छलफल भइरहेको जानकारी दिएका छन्। यद्यपि, नयाँ सरकारको नेतृत्व कुन दलले गर्ने भन्ने विषयमा अहिलेसम्म सहमति नभइसकेको उनले बताए। एमाले संसदीय दलका नेता सरोजकुमार यादवले पनि जसपा र जनमत पार्टीका नेताहरूसँग सरकार गठनबारे कुराकानी…