१३ कात्तिक, काठमाडौं । नेपाल पत्रकार महासंघ प्रतिष्ठान प्रदेशले प्रहरी नियन्त्रणमा रहेका पत्रकार विश्वमणि सुवेदी र शोभराज बराललाई तत्काल रिहा गर्न माग गरेको छ। महासंघले समाचार कक्षमै प्रवेश गरेर पत्रकारलाई नियन्त्रणमा लिने कार्यप्रति आपत्ति जनाउँदै सरकारसँग सार्वजनिक रूपमा माफी माग्नसमेत आग्रह गरेको छ। महासंघ प्रतिष्ठान प्रदेशका अध्यक्ष रमेश वाग्लेले शुक्रबार विज्ञप्ति जारी गर्दै पत्रकार पक्राउ गर्ने घटनाको विरोध गरेका हुन्। उनले बिना अनुमति सञ्चारमाध्यमको कार्यालयमा प्रवेश गरी पत्रकारलाई नियन्त्रणमा लिने कार्यलाई प्रेस स्वतन्त्रतामाथिको हस्तक्षेपका रूपमा व्याख्या गरेका छन्। विज्ञप्तिमा पक्राउ परेका पत्रकारलाई नियन्त्रणमा लिँदा आवश्यक कानुनी प्रक्रिया र नियन्त्रण पुर्जीसमेत उपलब्ध नगराइएको उल्लेख गरिएको छ। समाचारमा प्रकाशित विषयलाई लिएर पत्रकारमाथि…
तितो सत्य
काठमाडौं । गृह मन्त्रालयले राष्ट्रिय निजी तथा आवासीय विद्यालय एसोसिएसन नेपाल (एन-प्याब्सन) को गतिविधि अर्को निर्णय नभएसम्मका लागि निलम्बन गरेको छ। मन्त्रालयले शुक्रबार सार्वजनिक गरेको सूचनामार्फत राष्ट्रिय निर्देशन ऐन, २०१८ को दफा ६ को उपदफा (२) अनुसार संगठनलाई निलम्बन गर्ने निर्णय भएको जानकारी दिएको हो। मन्त्रालयका अनुसार एन-प्याब्सनले ऐनको दफा ५ अन्तर्गत मन्त्रालयबाट जारी भएका निर्देशनहरू पटक–पटक उल्लंघन गरेको पाइएको छ। साथै, संगठनका पदाधिकारीबाट सरकारद्वारा स्वीकृत विधान र संस्थाको निर्धारित उद्देश्यसँग मेल नखाने गतिविधि भएको मन्त्रालयको निष्कर्ष छ। यसअघि २०८३ असोज २३ गते मन्त्रालयले सम्बन्धित पक्षहरूसँग छलफल गरेको थियो। उक्त छलफलमा राष्ट्रिय निर्देशन ऐन, २०१८ तथा मन्त्रालयले २०८२ मंसिर १२…
काठमाडौं । समाचारको स्रोत खोज्ने बहानामा प्रहरी समाचार कक्षमै प्रवेश गरी पत्रकारलाई पक्राउ गर्न थालेको भन्दै नेपाल पत्रकार महासंघका पूर्वअध्यक्ष शिव गाउँलेले गम्भीर चिन्ता व्यक्त गरेका छन्। उनले समाचारको स्रोत पहिचान गर्ने नाममा प्रहरी समाचार कक्षमा पुगेर पत्रकार पक्राउ गर्ने अवस्था सिर्जना भए संविधान र प्रेस स्वतन्त्रतामाथि नै प्रश्न उठ्ने बताएका छन्। गाउँलेका अनुसार अहिले प्रेस तथा अभिव्यक्ति स्वतन्त्रताको संरक्षणका लागि मात्रै नभई संविधानको रक्षाका लागि समेत संघर्ष गर्नुपर्ने अवस्था आएको छ। सामाजिक सञ्जालमार्फत आफ्नो धारणा सार्वजनिक गर्दै उनले समाचारको स्रोतका विषयमा अनुसन्धान गर्ने क्रममा समाचार कक्षमै प्रवेश गरेर पत्रकार पक्राउ गर्ने गतिविधि भए संविधानको अस्तित्वमाथि नै संकट उत्पन्न हुने…
काठमाडौं । प्रहरी महानिरीक्षक दानबहादुर कार्कीले नागरिकका गुनासा प्रभावकारी रूपमा सम्बोधन गर्दै शान्ति सुरक्षा कायम गर्न र सेवामुखी भावनाका साथ काम गर्न प्रहरी कर्मचारीलाई निर्देशन दिएका छन्। प्रहरी प्रधान कार्यालयबाट बुधबार भर्चुअल माध्यममार्फत प्रहरी कर्मचारीलाई सम्बोधन गर्दै उनले दीपावली, नेपाल संवत् र छठ पर्वलाई लक्षित गरी सुरक्षा व्यवस्था थप मजबुत बनाउनुपर्नेमा जोड दिए। चाडपर्वको समयमा चोरी, लुटपाटलगायतका आपराधिक घटना हुन नदिन विशेष सुरक्षा योजना बनाएर प्रहरी परिचालन गर्न उनले निर्देशन दिएका हुन्। सवारी दुर्घटना रोकथाममा विशेष जोड महानिरीक्षक कार्कीले सडक दुर्घटना न्यूनीकरणका लागि सम्बन्धित निकायसँग समन्वय गरी सवारीसाधनको यान्त्रिक अवस्था परीक्षणलाई प्रभावकारी बनाउन आग्रह गरे। मादक पदार्थ वा लागुऔषध सेवन…
काठमाडौं, ११ कात्तिक । मुगुमा खानेपानी योजनाको विस्तृत परियोजना प्रतिवेदन (डीपीआर) तयार गरेको देखाएर सरकारी रकम भुक्तानी लिएको आरोपमा अख्तियार दुरुपयोग अनुसन्धान आयोगले तीन जनाविरुद्ध भ्रष्टाचार मुद्दा दायर गरेको छ। आयोगले खानेपानी, सिँचाइ तथा ऊर्जा विकास कार्यालय मुगुका तत्कालीन प्रमुख राजीव रिमाल, तत्कालीन लेखापाल रूनबहादुर सेजुवाल र परामर्शदाता कम्पनी एलाइड इन्जिनियरिङ प्रालिका प्रबन्ध निर्देशक चन्द्रबहादुर बुढाविरुद्ध विशेष अदालत काठमाडौंमा आरोपपत्र दायर गरेको हो। आयोगले १३ वटा खानेपानी योजनाको डीपीआर निर्माणका नाममा ३९ लाख ४० हजार ३०९ रुपैयाँ अनियमित रूपमा भुक्तानी गरिएको आरोप लगाएको छ। १३ योजनाको काममा कागजात किर्ते गरेको आरोप अख्तियारको अनुसन्धानअनुसार डीपीआर तयार गर्न परामर्श सेवा खरिद गर्ने…
काठमाडौं, ११ कात्तिक । अखिल नेपाल फुटबल संघ (एन्फा) का अध्यक्ष पंकजविक्रम नेम्बाङ र महासचिव किरण राई अदालतको आदेशपछि धरौटीमा रिहा भएका छन्। ललितपुर जिल्ला अदालतले बुधबार दुवै जनालाई जनही पाँच लाख रुपैयाँ धरौटी बुझाएर रिहा गर्न आदेश दिएको हो। जिल्ला अदालतका न्यायाधीश हरिसिंह धामीको इजलासले बयानपछि धरौटीमा छाड्ने निर्णय गरेको अदालतका सूचना अधिकारी टीकाध्वज कार्कीले जानकारी दिए। उनका अनुसार दुवै जनाले तोकिएको धरौटी रकम बुझाइसकेका छन्। खेल मिलेमतो तथा ठगीसम्बन्धी कसुरमा अनुसन्धानपछि नेपाल प्रहरीको केन्द्रीय अनुसन्धान ब्युरो (सीआईबी) को सिफारिसका आधारमा ललितपुर जिल्ला सरकारी वकिल कार्यालयले एन्फाका पदाधिकारीविरुद्ध मुद्दा दायर गरेको थियो। यस मुद्दामा अध्यक्ष नेम्बाङ र महासचिव राईसँगै…
काठमाडौं, ११ कात्तिक । कप्तान दीपेन्द्रसिंह ऐरीको उत्कृष्ट अर्धशतकीय इनिङ्सको मद्दतमा सुदूरपश्चिम रोयल्सले नेपाल प्रिमियर लिग (एनपीएल) को तेस्रो संस्करणमा पहिलो जित दर्ता गरेको छ। पोखरा एभेन्जर्सले दिएको १४६ रनको लक्ष्य सुदूरपश्चिमले १६ ओभर ५ बलमा चार विकेट गुमाएर पूरा गर्यो। साविक उपविजेता सुदूरपश्चिमको जितमा कप्तान दीपेन्द्रले ३६ बलमा चार चौका र दुई छक्कासहित ५० रन बनाए। उनलाई इशान पाण्डेले राम्रो साथ दिए। यी दुईले चौथो विकेटका लागि ७४ रनको महत्त्वपूर्ण साझेदारी गरे। पाण्डे ३१ बलमा ३७ रन बनाएर आउट भए भने शेर्फन रदरफोर्ड आठ रनमा अविजित रहे। सुदूरपश्चिमले लक्ष्य पछ्याउने क्रममा सुरुमै विनोद भण्डारीलाई चार रनमा गुमाएको थियो। त्यसपछि…
सेवनमा पनि सीमा तोकियो काठमाडौं, ११ कात्तिक । खाद्य प्रविधि तथा गुण नियन्त्रण विभागले इनर्जी ड्रिङ्क्सको सेवनमा सावधानी अपनाउन उपभोक्तालाई आग्रह गरेको छ। विशेषगरी बालबालिका, गर्भवती तथा सुत्केरी महिला, मधुमेहका बिरामी र क्याफिनप्रति संवेदनशील व्यक्तिलाई यस्ता पेय पदार्थबाट टाढा रहन विभागले सुझाव दिएको छ। इनर्जी ड्रिङ्क्सको सुरक्षित प्रयोगबारे उपभोक्ता तथा उत्पादकलाई जानकारी गराउँदै विभागले स्वस्थ व्यक्तिले समेत दैनिक दुई क्यानभन्दा बढी सेवन नगर्न अनुरोध गरेको हो। विभागका अनुसार नेपालमा हाल १७ वटा उद्योगले आवश्यक अनुमति लिएर इनर्जी ड्रिङ्क्स उत्पादन तथा बजारमा बिक्री गर्दै आएका छन्। उत्पादनको लेबलमा उल्लेख गरिएको विवरण र प्रयोगशालाबाट प्राप्त विश्लेषणअनुसार नेपाली बजारमा उपलब्ध इनर्जी ड्रिङ्क्सको एक…
पर्यटक भिसामा आइ क्रिश्चियन मिशनका लागि स्वास्थ्य शिविर सञ्चालन गर्ने दश विदेशी नागरिक पक्राउ परेका छन् । पर्यटक भिसामा नेपाल आएर आवश्यक अनुमति नलिई स्वास्थ्य शिविर सञ्चालन गरेको आरोपमा १० जना विदेशी नागरिकको कागजात अध्यागमन विभाग पठाइएको छ। मोरङको कानेपोखरी गाउँपालिका–७, बरगाछीमा सञ्चालित शिविरमा विदेशी चिकित्सकसहितका नागरिक सहभागी भएपछि उनीहरूमाथि अनुगमन गरिएको गृह मन्त्रालयले जनाएको छ। मन्त्रालयका अनुसार ‘मर्सी डेभलपमेन्ट’ नामक संस्थाको आयोजनामा सञ्चालित शिविरमा पर्यटक भिसामा आएका विदेशी नागरिक संलग्न रहेको पाइएको थियो। विदेशी नागरिक अनुगमन जिल्ला समितिको निर्णयअनुसार उनीहरूका राहदानी तथा आवश्यक कागजात थप कारबाहीका लागि अध्यागमन विभाग पठाइएको हो। कात्तिक ८ गतेदेखि चार दिनसम्म सञ्चालन गर्ने तयारीसहित…
काठमाडौं, ११ कात्तिक । बङ्गालको खाडीमा उत्पन्न शक्तिशाली चक्रवात ‘अर्नब’का कारण नेपालको मौसम प्रभावित हुन थालेको छ। भारतको आन्ध्र प्रदेशको तटीय क्षेत्रबाट जमिनमा प्रवेश गरेको चक्रवातको प्रभावले नेपालमा पनि बादल लाग्ने क्रम बढेको छ। मौसम विज्ञान विभागले बिहीबारदेखि देशका विभिन्न क्षेत्रमा वर्षा हुने सम्भावना औँल्याउँदै सतर्कता अपनाउन आग्रह गरेको छ। चक्रवातको प्रभाव आगामी केही दिनसम्म कायम रहने अनुमान गरिएको छ। यस अवधिमा देशका विभिन्न प्रदेशमा वर्षा हुनुका साथै उच्च हिमाली क्षेत्रमा हिमपात हुनसक्ने विभागले जनाएको छ। विभागकी मौसमविद् बिनु महर्जनका अनुसार चक्रवातको प्रभावका कारण नेपालका केही भूभागमा मौसम बदली भइसकेको छ। हाल लुम्बिनी, कर्णाली र सुदूरपश्चिम प्रदेशमा आंशिक बदली रहेको…
