तितो सत्य

काठमाडौं, १९ फागुन – अर्थ मन्त्रालयले पूर्वअर्थसचिवहरुसँग अर्थतन्त्र सुधारका उपायबारे छलफल गरेको छ। छलफलमा पूर्वअर्थसचिवहरुले अर्थतन्त्रलाई सुदृढ बनाउन ‘बोल्ड’ अर्थात् ठोस तथा निर्णायक कदम चाल्नुपर्ने सुझाव दिएका छन्। मन्त्रालयमा आयोजित कार्यक्रममा उनीहरुले प्रतिफल नदिने आयोजनामा खर्च कटौती गरी ठूला र प्रभावकारी परियोजनामा केन्द्रित हुनुपर्नेमा जोड दिए। वित्तीय संघीयतालाई प्रभावकारी बनाउन, पूँजीगत खर्चमा मन्त्रालय र विभागको उत्तरदायित्व सुनिश्चित गर्न, तथा तीन तहका सरकारबीच समन्वय बढाउनुपर्ने सुझाव पनि दिएका छन्। चालु खर्चमा मितव्ययिता अपनाउने, आन्तरिक स्रोत परिचालनलाई मजबुत बनाउने, राष्ट्रिय गौरवका आयोजनामा खर्चलाई प्रभावकारी बनाउने, अनौपचारिक अर्थतन्त्रलाई न्यूनीकरण गर्ने जस्ता उपाय अपनाउनुपर्ने उनीहरुको भनाइ थियो। पूर्वअर्थसचिवहरुले बीमा, सहकारी, पूँजी बजार तथा संस्थानहरुको…

भक्तपुर – राप्रपा नेपालका अध्यक्ष कमल थापाले संघीय, धर्मनिरपेक्ष गणतन्त्रभित्र विद्यमान अन्तर्विरोधका कारण यो व्यवस्था स्वतः धरासायी हुने अवस्था आएको बताएका छन्। उनले प्रमुख राजनीतिक दलहरूको अकर्मण्यता र भ्रष्ट प्रवृत्तिले अहिलेको शासन प्रणाली असफल बन्दै गएको टिप्पणी गरे। भक्तपुरमा आयोजित पार्टीको मध्यमाञ्चल विकास क्षेत्र समन्वय समितिको विस्तारित बैठकलाई सम्बोधन गर्दै थापाले गत फागुन ७ गते प्रजातन्त्र दिवसका अवसरमा पूर्वराजा ज्ञानेन्द्रले दिएको सन्देशलाई राष्ट्रिय मेलमिलापको प्रस्तावका रूपमा लिनुपर्ने बताए। उनले उक्त प्रस्तावलाई सकारात्मक रूपमा लिएर हिन्दू राष्ट्र र राजसंस्थाको पुनःस्थापना तथा संघीयताको खारेजीबारे सोच्न सबै राजनीतिक दललाई आग्रह गरे। थापाले राजसंस्थासहितको प्रजातन्त्र कुनै निरंकुश शासन नभएको दाबी गर्दै राजा र जनताको…

राष्ट्रिय सभाको आइतबार बसेको बैठकले चार वटा विधेयक पारित गरेको छ। नेपाल कानुन व्यवसायी परिषद् (दोस्रो संशोधन) विधेयक राष्ट्रिय सभाबाट पारित भई प्रतिनिधि सभामा पठाइएको छ। त्यसैगरी, भ्रष्टाचार निवारण (पहिलो संशोधन) विधेयक, सुरक्षित कारोबार (पहिलो संशोधन) विधेयक र विधायन सम्बन्धी विधेयक पनि पुनः पारित भएका छन्। यी विधेयकहरू यसअघि राष्ट्रिय सभाबाट पारित भई प्रतिनिधि सभामा गएका थिए। प्रतिनिधि सभाबाट फेरि संशोधनसहित राष्ट्रिय सभामा आएपछि आइतबारको बैठकले ती विधेयकहरू पुनः अनुमोदन गरेको हो। कुनै पनि विधेयक एउटा सभाबाट पारित भई अर्को सभामा पठाइन्छ। त्यहाँ आवश्यक संशोधन भएपछि पुनः उत्पत्तिस्थलमा फिर्ता आउँछ। दुवै सभाले सहमति जनाएपछि सभामुख वा राष्ट्रिय सभा अध्यक्षले प्रमाणीकरण…

रौतहट – जिल्ला प्रहरी कार्यालय रौतहटमा कार्यरत इन्स्पेक्टर रामकुमार महतोमाथि संगठनलाई बदनाम गराउने गतिविधिमा संलग्न भएको आरोप लागेपछि विभागीय छानबिन प्रक्रिया अघि बढाइएको छ।प्रहरी स्रोतका अनुसार, इन्स्पेक्टर महतोले मुद्दा फाँटको जिम्मेवारी नपाएपछि कार्यालयलाई बदनाम गराउने विभिन्न प्रयासहरू गरेको खुलासा भएको छ। उनले विभिन्न राजनीतिक व्यक्तित्वहरू र सञ्चारकर्मीहरूलाई आफ्नो पक्षमा ल्याएर दबाब सिर्जना गर्ने प्रयास गरेका थिए। तर, जिल्लाका सञ्चारकर्मीहरूले महतोको अनुरोधलाई अस्वीकार गर्दै जिल्ला प्रहरी प्रमुख एसपी दिलीप घिमिरेलाई जानकारी गराएपछि उनको योजनाबारे खुलासा भएको बताइन्छ।कारबाही प्रक्रिया अघि बढ्दै इन्स्पेक्टर महतो हाल उजुरी शाखा, मिटरव्याज शाखा, र महिला तथा बालबालिका सेवा केन्द्रको प्रमुखका रूपमा कार्यरत थिए। तर, पछिल्ला घटनाक्रमपछि उनलाई…

काठमाडौं, फागुन १७ – सरकार राजनीतिक दलसम्बन्धी ऐन २०७३ लाई संशोधन गर्ने विधेयक संसदमा अघि बढाउने तयारीमा छ। सत्ता साझेदार नेपाली कांग्रेस र नेकपा एमालेबीचको समझदारीअनुसार यो विधेयक ल्याउन लागिएको हो। विधेयकको मुख्य उद्देश्य ऐनको दफा ३३ लाई सक्रिय बनाउनु रहेको गृहमन्त्री रमेश लेखकले बताएका छन्। लामो समयदेखि निस्क्रिय रहेको यो दफामा दल विभाजनसम्बन्धी प्रावधान समेटिएको छ। हालको व्यवस्था अनुसार, कुनै पनि दल विभाजन गर्न केन्द्रीय सदस्य र संघीय सांसदको ४० प्रतिशत आवश्यक पर्ने उल्लेख छ। सरकारले संशोधनमार्फत दल विभाजन सहज बनाउने कि कठिन बनाउने भन्ने विषयमा अन्तिम निर्णय गरिसकेको छैन। गृहमन्त्री लेखकका अनुसार, यस विषयमा छलफल जारी रहेको छ।…

वासिङ्टन डीसी – अमेरिकी राष्ट्रपति डोनाल्ड ट्रम्प र युक्रेनी राष्ट्रपति भोलोदिमिर जेलेन्स्कीबीच ह्वाइट हाउसमा भएको वार्ता कडा बहसपछि बीचमै टुंगिएको छ। अमेरिकी सञ्चारमाध्यमहरूका अनुसार शुक्रबार भएको भेटवार्ताका क्रममा करिब १० मिनेटसम्म चर्को बहस चलेपछि जेलेन्स्कीलाई ह्वाइट हाउसबाट बाहिर पठाइएको थियो। सीएनएनले ह्वाइट हाउसका एक अधिकारीलाई उद्धृत गर्दै लेखेको छ कि बहसपछि युक्रेनी प्रतिनिधिमण्डल ओभल अफिसबाट बाहिरिएर अर्को कोठामा गएको थियो, जबकि अमेरिकी टोली भने त्यहीँ बसेको थियो। त्यसपछि राष्ट्रपति ट्रम्पले उपराष्ट्रपति जेडी भेन्स, विदेश मन्त्री मार्को रुबियो र माइक वाल्ट्जसँग परामर्श गरेका थिए। वार्ताका क्रममा ट्रम्पले जेलेन्स्की संवादका लागि उपयुक्त अवस्थामा नरहेको बताएका थिए। त्यसपछि उनले वाल्ट्ज र रुबियोलाई जेलेन्स्कीलाई…

१७ फागुन, काठमाडौं । नेकपा एमालेका महासचिव शंकर पोखरेलले आगामी निर्वाचनसम्म नेपाली कांग्रेस र एमालेबीचको सहकार्य कायम रहने बताएका छन्। नेपाल राष्ट्रिय होटल व्यवसायी संघको प्रथम अधिवेशन उद्घाटन समारोहमा बोल्दै उनले साना दलहरूको भूमिकाले राजनीतिक अस्थिरता निम्त्याएको र त्यसले देशको विकासमा बाधा पुर्‍याएको उल्लेख गरे। यही अस्थिरता अन्त्य गर्न एमाले र कांग्रेसले सहकार्य गर्नुपरेको उनको भनाइ छ। उनका अनुसार, सत्तामा सहकार्य गरे पनि दुवै दल आगामी निर्वाचनमा अलग-अलग प्रतिस्पर्धा गर्नेछन्। त्यसपछि जनताको मतअनुसार सरकार गठन हुनेछ। पोखरेलले स्थिर सरकारको आवश्यकता औंल्याउँदै प्रमुख दलहरूबीच सहमति महत्वपूर्ण हुने बताए। सरकार आर्थिक पुनरुत्थानमा गम्भीर रहेको उल्लेख गर्दै उनले व्यवसायिक वातावरण सुधार गर्न विभिन्न…

रुपन्देहीको मायादेवी गाउँपालिका–२ मा एक युवकको शव फेला परेको छ। बिहीबार बिहान २९ वर्षीय राकेशसिंह लोध मृत अवस्थामा भेटिएको जिल्ला प्रहरी कार्यालय रुपन्देहीले जनाएको छ। प्रहरीका अनुसार मृतकको टाउकोमा गम्भीर चोट देखिएको छ भने शव रहेको स्थान रक्ताम्य अवस्थामा फेला परेको छ। प्रारम्भिक अनुसन्धानका आधारमा उनलाई हत्या गरिएको आशंका गरिएको प्रहरी निरीक्षक सुरज कार्कीले जानकारी दिए। स्थानीयबासीका अनुसार घटनास्थल नजिक बिहान ठूलो आवाज सुनिएको थियो। यसले लोधको गोली प्रहार गरेर हत्या गरिएको हुन सक्ने अनुमान गरिएको छ। प्रहरीका अनुसार मृतक लोध घरमा एक्लै बस्दै आएका थिए। हाल घटनाबारे थप अनुसन्धान भइरहेको प्रहरीले जनाएको छ।

नेपाली कांग्रेसका सभापति शेरबहादुर देउवाले आज अपराह्न ४ बजे शीर्ष नेताहरूको बैठक बोलाएका छन्। बैठक देउवा निवास बुढानीलकण्ठमा बस्नेछ। पार्टीका पदाधिकारी र पूर्वपदाधिकारीलाई आमन्त्रित गरिएको बैठकमा संसदमा पेश भएका विधेयकहरूलाई छिटो प्रक्रियामा लैजाने विषयमा छलफल हुने मुख्य सचिव कृष्णप्रसाद पौडेलले बताएका छन्। यसबाहेक कांग्रेसका भ्रातृ संस्थाहरूको अधिवेशनसम्बन्धी विषय पनि छलफलको एजेन्डामा रहेको छ। कांग्रेसले सबै तदर्थ समितिहरूलाई चैत महिनाभित्र अधिवेशन सम्पन्न गर्न निर्देशन दिइसकेको छ। बैठकमा संसदमा लम्बित विधेयकहरूको शीघ्र टुंगो लगाउन कांग्रेसले अपनाउने रणनीति, पार्टीको सांगठनिक सुदृढीकरण, र सरकारद्वारा सिफारिस गरिएका अध्यादेशहरूको प्रक्रियाबारे समेत छलफल हुने जनाइएको छ। राष्ट्रपति रामचन्द्र पौडेलले जारी गरेका ६ अध्यादेश हालसम्म संसदको प्रक्रिया अघि…

काठमाडौं, फागुन १६ – खराब मौसमका कारण परराष्ट्रमन्त्री आरजु राणा देउवा सवार विमान काठमाडौं अवतरण गर्न नसकी कोलकाता डाइभर्ट भएको छ। मन्त्री राणाका सल्लाहकार एकराज पाठकका अनुसार कतार एयरवेजको विमान दोहाबाट काठमाडौं आउँदै गर्दा मौसम प्रतिकूल भएका कारण कोलकातामा अवतरण गरिएको हो। काठमाडौंस्थित मौसम अस्थिर रहेपछि विमानले पटक–पटक अवतरण गर्ने प्रयास गरे पनि सम्भव नभएपछि कोलकातामा ल्याण्ड गरिएको पाठकले जानकारी दिए। राणा राष्ट्रसंघको बैठकमा सहभागी भएर जेनेभाबाट स्वदेश फर्कदै थिइन्। हाल देशभर पश्चिमी न्यूनचापीय प्रणालीको प्रभाव रहँदा काठमाडौं उपत्यकासहित विभिन्न क्षेत्रमा वर्षा भइरहेको छ। यही कारण काठमाडौं विमानस्थलमा अवतरणमा कठिनाइ देखिएको हो।